Rubén Sánchez Antuña presenta la so nueva novela na Arribada

El certame lliterariu Arribada 2007 continúa esti martes 18 de setiembre les sos actividaes, qu'entamen a les 5 cola presentación de la novela "El murmuriu d'un mieu ensin nome" de Rubén Sánchez Antuña, collaborador d'Asturies.com y que l'añu pasáu diere a imprenta la so primer novela "dos estrelles nel firmamentu infinitu". A les 5 y media, l'escritor de novela negra Alejandro Gallo va dar a conocer nel marcu del certame'l comic "Ramalho" adaptación gráfica de la so novela "una mina llamada infierno". Les actividaes del día siguen cola mesa reonda "Xestión cultural y promoción de la lliteratura n'asturianu" moderada por Adolfo Camilo Díaz y que va tener llugar a les 6 de la tarde, y echen el piesllu a les 7 cola presentación de la obra "Sidra y llagares tradicionales n'Asturies" que va facese, como toles demás cites, nel Antiguu Institutu de Xixón.