Roberto Sánchez Ramos va encabezar una llista alternativa a IX pola alcaldía d’Uviéu

L'actual conceyal n'Uviéu por Izquierda Xunida - Bloque por Asturies Roberto Sánchez Ramos dio anuncia de qu'elli y un grupu de militantes históricos d'IX na capital asturiana, ente ellos l'otru conceyal d'IX n'Uviéu Celso Miranda, van presentase a les elecciones con una llista propia pol Ayuntamientu d'Uviéu, ello dempués de qu'IX desautorizare a la directiva uvieina de la coalición nomando una xestora y una lista a l'alcaldía qu'encabeza Alejandro Suárez.

Sánchez Ramos declaró al respective que "debemos presentanos pa nun dexar a la izquierda d'Uviéu güérfana nin al Ayuntamientu con un bipartidismu triste, patéticu y aburríu". El conceyal afirmó contar con más de tres mil sofitos espresos de ciudadanos de la capital pa que se presentare a les elecciones, dalgo que va facer baxo les sigles de "Asamblea de Ciudadanos por la Izquierda".

Dende Izquierda Xunida yá s'anunció que la reación a l'anuncia de la candidatura de ACI va ser la espulsión darréu como militantes de los qu'entovía son los sos conceyales n'Uviéu en sabiéndose oficialmente que van ser candidatos por ACI, una acandidatura que'l dirixente d'IX Jesús Iglesias calificó de "Asamblea de Ciudadanos pola Nada".