Riopedre y Javier Fernández afiten la postura de la FSA na cuestión del asturianu

El secretariu xeneral de la Federación Socialista Asturiana, Javier Fernández, y el Conseyeru d'Educación José Luis Iglesias Riopedre, ofrecieron esti fin de selmana a los diarios La Nueva España y El Comercio respectivamente, dos entrevistes nes qu'afitaron la postura de la so formación política énte la cuestión del asturianu. Mientres Riopedre se declara "convencíu de que la oficialidá nun va a entrar nel Estatutu" en cuantes que "la postura del PSOE nesti tema ta mui clara y creo que la del PP tamién", el responsable de la FSA, nuna entrevista centrada nel fracasu de les negociaciones con IX-BA-LV pa formar gobiernu, asegura que la coalición encerríscose en postures identitaries "que concasen mal col so internacionalismu" y "pronunciándose en términos irrenunciables" sobre cuestiones cómo la oficialidá, dando a entender que la FSA valoró estos posicionamientos como argumentos pa nun ceder la Conseyería de Cultura a la coalición.