Riopedre anuncia que más del 90% de los profesores yá s'apuntaron a la "carrera profesional"

El Conseyeru d'Educación José Luis Iglesias Riopedre afirmó ayeri que más de 7.300 mayestros con derechu a ingresar na "carrera profesional" de los 8.320 con más de 5 años d'antigüedá que teníen derechu a apuntase a esti programa de la Conseyería d'Educación yá presentaron les sos solictúes, ello dempués de que'l llunes rematare'l plazu d'inscripción. Riopedre esplicó que quien nun suscriba la carrera profesional va perder la xuba prevista pa esti añu del 16,67% sobre'l complementu específicu de xunu y un 33% sobre'l d'avientu.

Los sindicatos Comisiones Obreres, Suatea y CSI-CSIF criticaron la midida, qu'aseguraron que diba contra'l derechu sindical de negociación colectiva y que calificaron de "documentu en blanco impuestu pola alministración del que nun se conocen los conteníos". Estos sindicatos, qu'aseguren que nun hai base xurídica pal desarrollu de la carrera docente, en cuantes que la Llei de Función Pública Asturiana y l'Estatutu Docente nun existen entovía, caltienen una postura dafechu contraria a la d'UXT, central sindical que ta d'alcuerdu cola implantación de la "carrera profesional"