Récord de páxines descargaes n’Asturies.com con motivu de la manifestación

El reportaxe fotográficu qu'Asturies.com ufiertó en primicia a los sos llectores coles semeyes de la manifestación d'Uviéu tuvo una enorme aceptación, causando una xuba espectacular de visites y páxines descargaes a lo llargo del domingu 6. Ver equí'l reportaxe

Con ser los fines de selmana en xeneral y los domingos en particular díes en que baxa'l tráficu na rede internet, Asturies.com esperimentó dende la tarde del sábadu, día de la manifestación y a lo llargo del domingu, una espectacular xuba d'entraes y de páxines descargaes que quedaron espeyaes nel control que d'esti mediu fai la Oficina de Xustificación de la Difusión (OJD) .

Ello foi qu'Asturies.com
rexistró ayeri domingu, día en que munchos internautes nun tienen posibilidá de conectase a la rede porque lo faen dende'l trabayu o dende llugares públicos como la universidá, un total de 1.481 visites a la portada del mediu. El reportaxe coles semeyes de la manifestación supunxo esi domingu un total de 16.601 descargues, y el tráficu total del mediu nesi día llegó a les 34.591 páxines descargaes, siempres según los datos oficiales de l'auditoría d'OJD, lo que fai el récord de páxines descargaes en domingu na historia d'Asturies.com. Dende equí queremos da-yos les gracies a tolos nuestros llectores por ello y pol enfotu que ponen en facer qu'un mediu n'asturianu algame estes cifres d'audiencia.