Rayo 2 - Sporting 1

El Sporting acabó xugando con 9 y ensin entrenador nun partíu en que les decisiones del árbitrio marcaron la diferencia. El rayo tuvo muncha suerte al ser a marcar na primer xugada del partíu nun balón llargu de Pablo Sanz a leo Biaggini, pero de pués d'unos minutos de crisis, en que'l Rayo pudo marcar el 2-0, el Sporting intentó igualar a base de xuegu, y enseguida garró'l control del alcuentru. Sicasí, los problemes del Sporting engordaron cuando Cristian Díaz dexaba l'equipu con 10 por una entrada a Bolo que l'arbitrio castigaba con una encarnada directa poco xustificable.

La segunda parte entamó
col Sporting arrollando gracies al llabor de carrileru de Pablo Alvarez, mientres el Rayo retiraba a Idiakez y Biagini pa garrar una configuración más defensiva. El Sporting arrolló al Rayo y Miguel batía a Etxberría nel 59. D'Allesandro entendió que nun podía guardar l'equipu atrás y reaxustó otra vegada a la ofensiva, un cambéu que frutió a quince minutos del final col gol de Peragón. Mientres, la picardía de D'Allesandro mandaba a l'entrenador asturianu Marcelino a ver el partíu a la grada al recibir dos amarielles, y Sastre marchaba pa la caseta al ver la encarnada nuna engarrada con Peragón na que'l rayista nun llevó castigu. Con too y con ello, el Sporting acabó acorripiando al Rayo xugando con 9 nun final en que los madrileños acabaron pidiendo la hora.