Rajoy presenta un equipu compuestu por 13 ministros, con Luis De Guindos al frente d’Economía

El presidente nuevu del Estáu, Mariano Rajoy, dio a conocer el nome de los ministros y ministres que van conformar el so Gabinete. En total reparte 13 carteres, el númberu más baxu en Democracia, y sitúa a Luis de Guindos al frente d’Economía.
 
Ex secretariu d’Economía con Rodrigo Rato y anguaño direutor del centru del sector financieru de PwC e IE Business School, De Guindos ye la persona de confianza de Rajoy pa tratar de buscar una salida a la crisis. Mentes, pa la vicepresidencia, el popular gallegu sitúa a Soraya Sáenz de Santamaría, que tamién va ser ministra de Presidencia y vocera.
 
Completen el Gabinete Alberto Ruíz Gallardón (Xusticia), Cristóbal Montoro (Facienda y Alministraciones Públiques), Ana Pastor (Fomentu), Miguel Arias Cañete (Agricultura, Alimentación y Mediu Ambiente), Ana Mato (Sanidá, Servicios Sociales y Igualdá), Jorge Fernández Díaz (Interior), José Manuel Soria (Industria, Enerxía y Turismu), José Manuel García Margallo (Asuntos Esteriores y Cooperación), Pedro Morenés (Defensa), José Ignacio Wert (Educación, Cultura y Deporte) y Fátima Báñez (Emplegu y Seguridá Social).

Comparte...                                    

Enllaz permanente