Rafa Balbuena presenta una antoloxía del pop y rock asturianos de los 80

La casa "Norte Sur Records" va presentar esta selmana'l llibru "No se Salva Nadie" obra escrita por Rafa Balbuena y que fai una crónica del pop y el rock asturianos ente 1979 y 1990. El títulu del llibru da anuncia de la so voluntá de ser enciclopédicu, y ello ye que la obra fala d'un total de 153 grupos asturianos de tolos palos musicales que desarrollaron el so llabor nesa década de los 80 espurrida, figurando ente ellos nomes imprescindibles como Ilegales, Los Locos o los Stukas y otros menos conocíos como "Crónicas Húmedas" o"métodos de danza" pasando pela escena musical n'asturianu d'aquel tiempu. Xunto col llibru, que tien más de 300 páxines, entrégase un CD con una esbilla de 22 temes. Tres de la presentación a los medios de comunicación "No se salva nadie" va presentase'l vienres 27 énte'l gran públicu nuna fiesta de marcáu calter "retro" que va celebrase na sala uvieina "La Santa Sebe" asitiada na Cai Altamirano y que va entamar a les 20:00h.