Qu'hai de nuevo pela rede

El buscador de webs asturianes úlos? sigue col llabor de llimpieza de base de datos pa desaniciar direcciones vieyes, reactualizar webs que camudaron de url y meyorar delles descripciones. Con too y con ello, tamién siguen enxertándose les páxines nueves que lleguen toles selmanes na base de datos del primer índiz de busca d'Asturies. Ente lo nuevo d'esta selmana, que foi abondo, daremos l'enllaz a webs d'utilidá como ye'l casu l'archivu de semeyes de la naturaleza del fotógrafu asturianu Fernando Fernández, que, anque ye pa vender el so trabayu, dexa ver un estoyu curiosu de semeyes. En cuenta de semeyes, nesta otra páxina, que carez de gráficos, pue descargase la versión 2.2 del xuegu del aforcáu en llingua asturiana, con más de 1.000 frases p'adivinar. Otres entraes de la selmana foron la Orquesta de Cámara del Nalón o, en música d'otra frasca, la Bandina'l TomboPa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.