Quemen el dispositivu de tráficu que llevantó la denuncia contra Cándido y Morala

Trabayadores del astilleru Naval Xixón prendieron fueu esti martes al dispositivu de control de tráficu asitiáu cerca del astilleru como midida de protesta contra la sentencia xudicial que condena a los sindicalistes Cándido González Carnero y Juan Manuel Martínez Morala a tres años de presidiu.

El xuez Lino Rubio condenare precisamente a dambos sindicalistes de la Corriente Sindical d'Izquierdes (CSI) polos estrozos causaos nesi mesmu dispositivu. La quema de la caxa de contro, de tráficu foi la primer acción de la serie de protestes acordaes polos sindicatos UXT, CC.OO. y CSI contra'l fallu xudicial. Los trabayadores salieron en manifestación alredor de la plaza onde ocurrieron los fechos pa facer visible'l so sofitu a los dos sindicalistes condenaos.