"Público" naz un nuevu diariu de tirada estatal

Dende güei pue alcontrase nos quioscos de toa España'l diariu "Público" una iniciativa de comunicación que s'asitia nuna concepción ideolóxica progresista y dizquierdes y que dirixe'l mozu periodista Ignacio Escolar (31 años). Público sal a la cai con una tirada de 250.000 exemplares de 64 fueyes al preciu de llanzamientu de 50 céntimos.
Ente les novedaes qu'anuncia Público ta'l nun tener una portada al usu, desarrollando na primer plana ún solu tema del día, y tampoco tien un editorial.


El periódicu ye propiedá de la productora Mediapro, que participa tamién nel accionariáu de La Sexta. Na so nómina de redactores alcuéntrense tamién nomes como Javier Ortiz, Juan Pedro Valentín, Tatxo Benet o Jaume Roures, contando con columnes de los autores Lorenzo Silva, Espido Freire, José Antonio Labordeta, Gran Wyoming o'l científicu José María Bermúdez de Castro.