Propuestes pa selmana santa

La música en casi toles sos formes, les fiestes avilesines del Bollu
y el teatru de la mano de Rafael Álvarez "El brujo" son
protagonistes d'esti fin de selmana llargu n'Asturies. Yá esti xueves en
Xixón el Festival Asturiano de
Música Avanzada va axuntar los soníos actuales mas novedosos
nes sos diverses vertientes tales como el pop, rock y la electrónica. Pa
ello ufierta les actuaciones d'artistes de fuera de les nueses fronteres tales
como Trentemoller, Adam Beyer, Luciano, New Orde, DJ Set, Ben Sims, Primal
Scream DJ Set.etc. Va celebrase na Feria Internacional de Muestres d'Asturies
dende les18:00 h.

El domingu nel Teatru Campoamor a les 20:00 h. Rafael Álvarez 'El
Brujo' pon n'escena la obra de Darío Fo, "San Francisco, Juglar de
Dios". La obra céntrase na figura de San Francisco d'Asís,
el fraile rebelde a la suntuosa ilesia de Roma, tal vez la primer voz
activamente discordante coles normes y dogmes d'un poder eclesiásticu
d'escasa moral y abundante ambición de poder económicu y
políticu. Pa Fo, San Francisco foi un santu, un xuglar, un rebelde, pero
enforma un poeta y un home llibre y valiente.

Y durante tol fin de selmana Avilés celebra los sos tradicionales
"Fiestes del Bollu". Durante tres díes la villa va
enllénase d'actividaes culturales y artístiques. El programa
completu se puede consultar
equí. Entes
los actos programaos rescamplen esti sabadu'l conciertu de la mítica
banda de folk-metal "Mago de Oz" na Plaza La Exposición (Les
Meanes). 23.00 h. y el llunes na plaza d'España a les 20:00 h. una
nueche folk colos grupos "Gueta na fonte" y "Tejedor". Mas
actividaes na nuesa axenda
d'ociu.