Presentóse'l Real Uviéu

El Real Uviéu presentóse ayeri énte la so afición nel estadiu Nuevu Carlos Tartiere. Más de 2.000 siguidores carbayones asistieron al actu de presentación del equipu de fútbol, nel que falaron el presidente Manuel Lafuente, l'entrenador Antonio Rivas y Aldeondo, en nome de los xugadores. L'Uviéu entamó con esta seronda presentación una campaña, la segunda en Tercera División, na que l'oxetivu ye, otra vuelta, la del ascensu a segunda B qu'esti añu se torgare dempués de ganar con diferencia la liga regular, na eliminatoria pol ascensu col Arteixo.

L'Uviéu nun entama bien l'añu deportivu, y ello ye qu'esti fin de selmana los lladrones entraron nes dependencies d'El Requexón, onde entrena l'equipu, arramplando con material deportivo por importe de 2.500 euros.