Premiu Príncipe d'Asturies pa Harry Potter

El xuráu de los Premios Príncipe d'Asturies apautose ayeri en da-y a la escritora ingles J.K. Rowling el Premiu Príncipe d'Asturies de la Concordia. Con namás cinco llibros escritos, toos ellos best-sellers L'acta del xuráu llama l'atención sobre'l calter de los llibros de Rowling en cuantes que "trescienden l'ámbitu lliterariu, pa convertise nun vínculu d'unión ente continentes y xeneraciones que promueve la imaxinación como fonte de llibertá al serviciu del bien y la cooperación y la solidaridá entre les persones". L'estatus del personaxe de Harry Potter como fenómenu de mases ente los rapacinos del mundu occidental (la quinta novelade la serie ta acabante de baltiar records de vente nel Reinu Xuníu) pero de cualquier manera, la crítica nun empondera tanto a la escritora como'l xuráu de los premios. Entovía va poco que'l críticu lliterariu Harold Bloom echó pela autora de Harry Potter, calificando les sos obres de "mala lliteratura"

Esti premiu a la Concordia, que ganaron otros años entidaes como la Rede Mundial de Reserves de la Biosfera, Médicos ensin Fronteres, Save the Children o el World Wildlife Fund, ye la primer vez que se-y da a daquién del mundu lliterariu. Ente les 38 candidatures que se presentaben esti añu figuraba la de los voluntarios y marineros que trabayaron nel llabor de retirada del galipote del Prestige