Porcia cumple cola so cita

Porcía cumple cola so cita anual

Porcia nun falla, entamando esti añu a entamar otra edición de la Noite Celta, que con ésta yá fai la ventiuna.

La isla fluvial del ríu Porcia que separta El Franco de Tapia ye l'escenariu que va acoyer otra vuelta esti sábadu 28 una de les nueches celtes más históriques d'Asturies, y que desenvuelve nun de los espacios más prestosos. Anguaño Porcia presenta una ufierta musical de cuatro grupos y una banda de gaites. La banda va ser "La Banda de Gaites el Trasno", na parte de grupos topamos al gaiteru Xuacu Amieva colos cantares de "Al son del fueu", "Deua Dubra" tamién van tocar na noite dempués de participar nel intercélticu de Lorient y tar rematando'l que va ser el so primer discu.

Los otros dos grupos de la nueche son la banda de los hermanos "Tejedor" y "Llangres", que van ser los segundos en saltar al escenariu tres de Xuacu Amieva. Ta too preparáu pa que Porcia vuelva a ser un añu más una sitiu y un conciertu pa recordar.