Política llingüística asoleya un informe sobre la toponimia de la Ría del Eo

Dende esta selmana ta disponible'l volume "Ría del Eo: Informe y conclusiones" una obra qu'asoleya la Dirección de Política llingüística d'Asturies y cola que se quier dar rempuesta a la controversia pública sobre la denominación de la Ría qu'estrema Asturies y Galicia. Ellaboráu pola Xunta Asesora de Toponimia del Principáu d'Asturies en collaboración con un grupu d'espertos de la zona que formaron una comisión específica, el llibru partió de la entruga de qué denominaciones son tradicionales y mayoritaries nes dos orielles de la Ría y la de cual d'elles yera la más recomendable como nome oficial intercomunitariu.

L'apaición d'esti volume coincide cola publicación, tamién pola Oficina de Política Llingüística del y pol Conceyu del Franco, de les actes e intervenciones de les "I Xornadas de Toponimia del Eo-Navia Os nomes dos nosos sitios" que se celebraron los díes 19 y 20 de mayu del 2006 y nes que participaron especialistes en toponimia que trataron la cuestión dende la perspectiva llingüística, xurídica, política, sociolóxica, o xeográfica.

Toles persones interesaes nestes dos obres puen pidiles na dirección de corréu electrónicu de la Oficina opll@princast.es, que va unviar de baldre los volúmenes hasta que s'acaben les existencies.