Podemos queda solu defendiendo una mengua de les retribuciones

Tolos grupos, cola esceición de la formación liderada por Emilio León, pautaron mantener les cuantíes de la llexislatura pasada.

Podemos propunxera reducir el númberu d'asesores un 25 por cientu, pasando de los 47 actuales a 36, y l'asignación económica de los grupos parllamentarios nun 50 por cientu. D'igual forma, quería llendar el sueldu de los diputaos al triple del salariu mínimu interprofesional, esto ye, 1.950 euros netos, aforrando asina 2,4 millones d'euros a les arques públiques. Anguaño, un parllamentariu con dedicación esclusiva cobra 3.900 euros brutos.

L'alcuerdu zarráu güei pola Xunta de Voceros y que va aprobar mañana la Mesa de la Xunta Xeneral, diba salir alantre col apoyu del PSOE, IX y Ciudadanos, pero tamién contó col sofitu finalmente del PP y Foro.