Podemos pide esplicaciones pol retrasu nel desbloquéu de la especialidá

Cree que la FSA-PSOE utilizó al ministeriu como escusa p'aplazar la so creación.

Podemos Asturies reclama al Gobiernu qu'esplique cuáles foron les "razones que llevaron a retrasar mientres tantos años la so aprobación, dao que taba nes sos manes y en naide más", en referencia a les escuses daes pola conseyera d'Educación anterior, Ana González, escudándose en negatives del Ministeriu d'Educación, Cultura y Deporte. D'igual forma, recuerda que nel so programa eleutoral "incluyíamos la creación de dicha especialidá mediante l'aprobación d'un decretu autonómicu que la punxera en marcha, yá qu'entendíemos que'l Ministeriu d'Educación nun tenía competencies pa negar la so creación".

Esta postura foi la que treslladó Podemos al conseyeru nuevu Genaro Alonso nun alcuentru celebráu'l 1 de setiembre nel que tomaron parte los parllamentarios Andrés Ron, Lucía Montejo y Héctor Piernavieja, y el responsable del área de Plurillingüismu de la formación, Lluismi Orviz.