Podemos confirma los candidatos a 13 conceyos

|
Sofía Fernández Castañón

En toos hebo una candidatura única nel procesu de primaries pa formar la llista eleutoral.

Podemos yá cuenta con candidatos confirmaos a 13 conceyos del país, ente los que tán los de más población. Éstos son Ignacio Loy (Uviéu), Olaya Suárez Fernández (Xixón), Sara Retuerto (Avilés), Isabel Fernández (Llanera), Silvia Tárano (Siero), Rosa Prieto (Llangréu), Begoña Leste (Mieres), Diego Ruiz de la Peña (Llanes), José Castañón (Ayer), Miguel Alonso López (Cuideiru), Ana Isabel Gregorio (Llaviana), Mariví Ugedo (Parres) y Rosario Linares (Samartín del Rei Aurelio).

Toos ellos formen parte del sector oficial del partíu, que vio como la so apuesta pa les primaries nacionales, Alba González Sanz, yera superada por Cova Tomé, que representaba'l sector críticu, enfotáu namái nesta votación. "Toi segura de que les nueses candidates sabrán llevar la fuerza tresformadora de Podemos a los conceyos y poner nel centru a les mayoríes sociales y la llucha polos derechos fundamentales que ta nel nuesu ADN como partiu", apuntó al confirmar a estos candidatos Sofía Fernández Castañón, coordinadora autonómica, que tamién rescampló que la so formación "sabe mui bien qué proyeutu de país necesita Asturies pa ser xusta, igualitaria, sostenible, con trabayu decente y ensin tener qu'esiliase por razones económiques".

Contador Estadistiques