Podemos arrenuncia cobrar los díes non trabayaos

Les arques públiques van aforrar 20.000 euros.

Podemos arrenuncia cobrar les perres que corresponderíen a los sos diputaos hasta la constitución de la Xunta Xeneral.

Esta midida, sicasí, nun ye correspondida pol restu de fuercies polítiques, polo que los sos diputaos sí van cobrar les perres que por llei deberíen recibir por non trabayar dende'l 29 de mayu, cuando recoyeron el so acta de diputáu, hasta'l 16 de xunu, fecha na que ta prevista la constitución de la Xunta Xeneral. Dende Podemos tamién recuerden que la cantidá que s'aforren les arques públique ye tovía mayor tres la decisión de la formación de nun cobrar más que'l dineru gastáu na so campaña eleutoral y rechazar el que recibiríen pol númberu de votos algamos. Nesti casu, la cantidá a la qu'arrenuncia ye de 90.000 euros.

D'igual forma, la formación liderada por Emilio León afirmó que la cantidá que van cobrar los sos diputaos nun va superar el triple del sueldu mínimu interprofesional. Esta propuesta tampoco nun tuvo bona recepción por parte de los otros partíos.