Piden protección especial pal Faisán Montés

L'Asociación Asturiana de Amigos de la
Naturaleza y la Coordinadora Ornitolóxica d´Asturies denunciaron
esta selmana que d'alcuerdu a les informaciones que tienen, al terminar esta temporada de celu, la población asturiana de Faisán Montés (Tetrao urogallus cantabricus),
ta anguaño dixebrada, ello ye, que la población yá nun s'esparde too de seguío pela Cordillera Cantábríca, sinon qu'en cuenta d'ello el continuu poblacional franció en dos poblaciones separtaes y ensin comunicación ente elles.

Dambes agrupaciones remembren qu'esto mesmo yá pasare a mediaos del sieglu
XX col osu, y solliñen la gravedá del casu en cuantes que'l gallu montés cantábricu ye una subespecie única que se caracteriza porque ye la más pequeña del planeta xunta la subespecie
pirenaica y porque ye la única que vive en monte d'árboles de fueya caducifolia. El censu diz que en tola Cordillera Cantábrica nun queden más de 500 exemplares d'esti animal, polo que la resquiebra de la población en bloques separtaos ye un episodiu muy grave que vien a afondar na necesidá qu'hai de declarar al gallu montés especie en peligr de desaniciu como mediu p'atayar la so desapaición definitiva.