Pesca píde-y al gobiernu que controle'l tren de bolos

La Conseyería de Mediu Rural y Pesca, que preside Servanda García, pidió-y esta selmana al Gobiernu central que faiga más controles sobre la flota d'arrastre portuguesa que trabaya con artes de tren de Bolos y que se tenga a esos barcos siempres fuera del tope de les 12 milles en que nun puen pescar. La Dirección de Pesca tamién pidió que se-y unviare una llista de barcos
autorizaos y de los Planes de Pesca firmaos en comuña por España y Portugal que regulen l'actividá d'estos barcos.

El Gobiernu asturianu dixo que quería con esta solicitú facese cargu de les preocupaciones de les cofradíes de Cuideiru, A Veiga y Tapia, que temen daños pa la flota
asturiana.

y tamién espresó preocupación porque pueda haber otra ¡engarrada por culpa del Tren de Bolos, un sistema de pesca que compromete'l futuru de los caladeros y daña enforma los fondos marinos.

La Conseyería de Mediu Rural y Pesca tresmitió-y tamién al Gobiernu español la necesidad de que se tenga en cuenta la opinión de les alministraciones autonómiques en casu de futuros tratos con otros
gobiernos.