Palacios repite como candidatu de Bloque-UNA-LV-GV y Bermeyu encabeza la llista d’Andecha Astur

La coalición Bloque por Asturies-UNA, a la que se xune nes eleciones del 25 de marzu LV-GV, apuesta por repetir los primeros puestos de la so llista, con Rafael Palacios como candidatu. Mentes, Arturu Xosé Bermeyu llidera la d’Andecha.
 
El BOPA d’esti miércoles espubliza toles candidatures pa les eleiciones del 25 de marzu, con un récord de participación na historia de la democracia al presentase 21 formaciones o coaliciones. Ente elles hai dos organizaciones asturianistes, el Bloque por Asturies-Unidá Nacionalista Asturiana-Los Verdes-Grupo Verde (Bloque-UNA-LV-GV), baxo la etiqueta común de ‘Compromisu por Asturies’, y Andecha Astur, que se presenten poles trés circunscripciones. El PAS decidió nun participar y los sos compañeros nes cites últimes coles urnes, l’URAS, preséntase en solitariu.
 
La candidatura nacionalista más votada en mayu del 2011, la formada pol Bloque y UNA (6.160 votos; 1,03 por cientu del total), vuelve a apostar por Rafa Palacios y Yolanda Huego pa encabezar la candidatura, con Roberto Colunga como númberu 3. Mentes, el candidatu por occidente ye Fernando González d’Álvaro y Marcos Díaz Fernández, pol oriente. La coalición incorpora tamién a dellos independientes dientro del so proyeutu ‘Compromisu por Asturies’ que pretende xunir al asturianismu alredor d’esti proyeutu entamáu pol Bloque y la UNA y que va continuar tres les eleiciones, como ye’l casu d’Antón Caamaño, Penélope Miranda o Carlos Suari, ente otros.
 
Pela so parte, Andecha Astur torna a participar nunes eleciones nacionales tres presentase l’añu pasáu dientro de la plataforma d’eleutores Conceyu Abiertu y confía otra vuelta n’Arturu Xosé Bermeyu como candidatu, cabeza de llista tamiés de les estatales de payares. Paloma García Fernández va de númberu dos, mentes que Fernán Gonzali ye’l terceru na candidatura. La organización nacionalista va participar poles tres circunscripciones, con Antonio Fuerte Rodríguez y Alejandro Vega Acosta como cabezaleros pol occidente y oriente, de manera respeutiva.
 
Un partíu gallegu, pol occidente
 
Los partíos que van participar nes eleiciones del 25 de marzu, amás de les dos formaciones nacionalistes, son el PSOE (Javier Fernández), Escaños en Blanco (Luis Prado García), Izquierda Xunida d’Asturies (Jesús Iglesias), Unificación Comunista de España (Roberto González Salvador), Unión Progreso y Democracia (José Ignacio Prendes), Partido Popular (Mercedes Fernández), Foro de Ciudadanos (Francisco Álvarez-Cascos), Unión Renovadora Asturiana (Francisco Javier López Alonso), Solidaridad y Gestión Internacionalista (Francisco Rafael Gómez del Castillo Segurado), PACMA (Carmen Anes), Equo-Los Verdes de Asturias (María del Pilar Calvo), Partido Democrático y Constitucional (Arturo García Rodríguez), Ideas-Hartos.org (Miguel Ángel Villalba), PCPE (Raúl Martínez Turrero) y Movimiento Social Republicano (Jesús Antonio Ruiz Gómez). Amás, pal occidente tamién se presenta la formación galleguista Partido da Terra Eo-Navia, col independiente Anxel Suárez Álvarez como candidatu, y el Partido Humanista nel dos ales. Mentes, nel oriente debuta l’Agrupación de Electores Auseva Red (Nerea Granda) y el Partido Familia y Vida (Pedro Ferrer Piñol).
 
Hai que destacar qu’Ideas-Hartos.org namái se presenta pola circunscripción central y occidental, y Solidaridad y Autogestión Internacionalista, pola central. Ente les ausencies nestes eleciones llama l’atención les del Frente de la Izquierda y de Democracia Nacional, formación d’ultraderecha que tampoco participó nes estatales.

AdxuntuTamañu
Candidatures eleiciones del 25-M.pdf595.25 KB
Conteníu especial: 
secciones: 

Comentarios

 
Que a estes altures haya xente que equipare o pida xuntase al Bloque -UNA cola secta andecha astur clama al cielo. Ye de risa  ver la candidatura d'andecha, entamando pol Bermeyu,dueño único de les sigles , y como tal exerce de dueño del xuguetin, al resto de puestos repartidos ente'l clan familiar del  gurú dr marqués y los acólitos noreñinos.
Ye una vergoña que se siga considerando a andecha astur como organización política, pa que fuese asina cualquier organización tien que tener procedimientos democráticos na vida diaria de la organización por llei, y esto fae muncho que dexó de ser asina.
Que esta secta tenga consideración de organización política ye un flaco favor al asturianismu en xeneral.
POR FAVOR DEXAI DE PONER NUN MESMU PLANO POLITICO AL BLOQUE-UNA, Y A ANDECHA
 

Vergoña non ye la pallabra, ye munchu pior ,que  persones d'esi callibre fagan iso!!!Onde tamos.
palacios ye meyor pa visitar los arabes  y faceyos dalgun favor, pa Asturies una rision.
Asina  tamos onde non hai  xente,  con coraxe i amor a so tierra!

Flacu  favor se ta faciendo al asturianismu, sacando nuna mesma noticia y tratando por igual a la coalición de la esquierda asturianista más amplia, unitaria y con mayor respaldu electoral de la historia d'Asturies con una caxigalina testimonial que tá en procesu de desapaición.
Yá ye hora que dende tolos ámbitos del asturianismu s'apueste decididamente pola coalición  Bloque-UNA-LV-GV. Dende qu'entamaron col procesu xunitariu, cada vuelta dan un pasu más firme, acumulando fuerces y faciendo realidá'l proyeutu políticu que necesitamos n'Asturies.