Pablo Antón Marín Estrada puntualiza la so participación nel manifiestu d'escritores

L'apaición, coincidiendo cola Selmana de les Lletres, d'un manifiestu firmáu por venti escritores en que criticaben el mal tratu del Gobiernu asturianu pa cola llingua xeneró un debate encesu que dio muncho que falar a lo llargo de los últimos díes en círculos asturianistes. Sicasí, l'apaición del manifiestu na web d'un partíu políticu xeneró un sentimientu de rocea ente dellos de los firmantes del testu. Ye'l casu del escritor Pablo Antón Marín Estrada, que fexo llegar a la redacción d'Asturies.com esti escritu que reproducimos na so totalidá nesti enllaz y nel qu'aclaria dellos puntos sobre la so participación na iniciativa.