Ochobre repite como mes de celebración del Festival Nel Amaro de teatru

|
Teatru Filarmónica

Yá se conocen les cuatro obres finalistes del V Premiu y Festival Nel Amaro de Teatru Profesional en Llingua Asturiana o Gallego-asturiano. El Callejón del Gato, Producciones Nun Tris, la ganadora nel 2019 Factoría Norte y Arte Producciones son les cuatro compañíes que van defender les sos obres n’ochobre nel uvieín Teatru Filarmónica.

Los vienres 1, 8, 15 y 22 del décimu mes del añu son los díes nos que se va celebrar la parte de festival d’esta edición, abierta al públicu, na que’l xuráu pue ver les representaciones en direuto pa valorar la merecedora del gallardón, con una recompensa de 6.000 euros. La primera va ser ‘Grana de cardadomu’, d’El Callejón del Gato.

La siguiente función va protagonizala ‘La reina la guapura de Leenane’, de Nun Tris, mentes que Factoría Norte, ganadora de la tercer edición, la del 2019, con ‘Les rellaciones peligroses’, va intentar repetir ésitu con ‘Les piripiripirates con parches y a lo xole’, obra que va defender el día 15. Va encargar de zarrar esta edición el 22 una compañía debutante nesti gallardón, José Rico Arte Producciones, que presenta ‘Setiembre’.

El Nel Amaro busca “consolidar, arriquecer y prestixar” l’asturianu y el gallego-asturiano “nel ámbitu del arte dramáticu”. La obra ganadora del añu pasáu foi ‘El viaxe de Covaletti’, d’Higiénico Papel Teatro, que yá lu llevara nel 2018 con ‘Hansel y Gretel’.

Contador Estadistiques