Nuevu llibru de Pablo Rodríguez Medina

La Casa de la Cultura de L'Entrgu va acoyer el xueves 17 de febreru la presentación del llibru El color de l'ausencia, poemariu del escritor Pablo Rodríguez Medina y col qu' algamó 'l Premiu de Poesía 'Fernán Coronas' del añu 2003. L'encargáu de presentar el llibru va ser el tamién escritor Chechu García. Amás del autor, va participar nel actu l'alcalde de Samartín del Rei Aurelio, Ignacio Fernández Vázquez.

Pablo Rodríguez Medina (L'Entregu, 1978) ye llicenciáu en Filoloxía Española y especialista en Filoloxía Asturiana. Les sos obres, tanto en llingua asturiana como castellán, algamaron bien de premios tanto n'Asturies como fuera d'ella. Ente los premios n'asturianu hai que destacar el Premiu Xosefa Xovellanos de novela nel añu 2001 con 'L'arna de San Atanás' (Ediciones Trabe, 2002) o'l Premiu de Creación Lliteraria 'Llorienzu Novo Mier' de l'Academia de la Llingua Asturiana, con 'Les vueltes, toles vueltes' (Llibrería Académica, númberu 32).