Nueva esposición d'artistes pola oficialidá

El Conceyu Abiertu pola Oficialidá, plataforma na que s'inxerten más de 180 organizaciones polítiques, sindicales y culturales col oxetivu de que se recueya la oficialidá del asturianu na próxima reforma estatutaria, va entamar una nueva edición de la "Amuesa d'Obres d'Arte pola Oficialidá", esposición d'obres d'arte donaes polos sos creadores a beneficiu de la causa del asturianu, que llega con esta a la so tercer convocatoria.

La esposición va facese dende' miércoles 28 de febreru a les 19:00 na Sala d'Esposiciones del Auditoriu d'Uviéu y va cuntar con obres de noventa y nueve artistes asturianos, lo que supera en participación a les ediciones primeres d'Avilés y Xixón. Como ye vezu, la esposición, que se fai col envís de llograr financiación pa les actividaes de la plataforma, va rematar con una puya pública de les obres que va tener llugar el miércoles 7 de marzu.