Noega entama un espectáculu

Como pieslle del "II Concursu de Gaiteros de Xixón", la banda de gaites de Noega de Xixón va entamar un espectáculu musical y teatral onde van "Camín a Xixón".

Esti vienres ye la gala de clausura del "II Concursu de Gaiteros de Xixón", nel que salieron ganadores Hugo Noval en categoría xuvenil, y Andrea Fernández en categoría infantil. Pa esti pieslle del concursu va haber un espectáculu musical-teatral creación del mierense Ismael González Arias con igües del so hermanu Xaime González, y nel que la banda de gaites Noega va tener abondo protagonismu.

L'espectáculu llámase "Camín de Xixón", y quier contar la historia d'un pelegrín que de regresu a la so tierra, Bretaña, pasa per Xixón, onde topa coles fiestes de la Villa de Xovellanos. El pelegrín, y el públicu xixonés van sentir un día de fiesta dende'l puntu de vista musical. El repertoriu musical inclúi la mañana cola so alborada, la diana, los pasucais, bailles a lo suelto y a lo agarrao, tonaes y demas pieces que faen una xornada entera. Pa poder representar esti día l'espectáculu va estructuráse en trés "ambientes" el primeru a cargu de la Banda gaites col acompañamientu d'una representación d'instrumentos típicos de les bandes de música, el segundu, la banda gaites acompañada de voces tradicionales, instrumentos de bandina tradicional y baille tradicional, y, yá pa rematar, el tercer "ambiente" nel que la banda gaites va tocar nun estilu más folk. Ente tema y tema, van poder ver los diferentes episodios de la historia:"Camín a Xixón". Ello va ser esti vienres na plaza mayor de Xixón a les 21:00 hores.