Netscape Navigator, agora n'asturianu

Según nos informa l'asturnauta anónimu, por primer vegada ún de los navegadores de mayor aceptación inclúi l'asturianu ente la riestra d'idiomes en que pue trabayase col programa. Ello ye que la versión nueva del navegador Netscape Navigator. Nun hai más que descargar esta versión del navegador, que ye la 7.02, dir a la barra "edit" y nel separtáu de preferencies dir a la escoyeta d'idioma pa ver como l'asturianu apaez ente la llista d'opciones posibles p'amestar llingua.

Ye bona pena que Netscape decida enxertar l'asturianu agora que yá tien la batalla perdía dafechu contra'l eternu rival, el Microsoft Internet Explorer, que nun dexa escoyer asturianu. Sicasí, el Netscape nun ye'l primer navegador n'admitir asturianu, en cuantes qu'esi méritu correspuénde-y al Mozilla, navegador de códigu abiertu que cuenta con una versión n'asturianu gracies al llabor d'un equipu de programadortes asturianos que ficieron d'ello una realidá