Morrió Mario San Martín

El conocíu militante asturianista Mario San Martín, secretariu xeneral de la Fundación Nueva Asturies y militante de vieyo del Partíu Asturianista, pol que se presentó a les últimes municipales en Siero, morrió anteayeri en so casa de Siero por culpa, al paecer, d'un ataque al corazón. El funeral va facese esta tarde a les seyes na ilesia de Carbayín Altu, y darréu de la ceremonia va ser l'intierru nel cementeriu de la parroquia.

Aparte de la so militancia nel PAS y nel movimientu asturianista en xeneral, San Martín yera mayestru y tenía'l cargu de director de la escuela pública "Condáu de Noreña". Naciu en 1948, Mario San Martín taba casáu y yera padre del conocíu sociólogu Pablo San Martín, autor de la primer tesis doctoral sobre la historia del nacionalismu asturianu.