Morrió un neñu de 13 años nún accidente d'autocar en Morcín

Un autocar escolar sufrió un accidente sobre les 8.00 d'esta mañana en conceyu de Morcín nel que se rexistró una víctima mortal, un neñu de 13 años, y nel que se mancaron otres diez persones, de les que dos, tamién menores d'edá, sufren mancadures graves.

L'accidente ocurrió cuando l'autocar de la empresa "Autos Jandrín" que tresportaba a escolinos de los pueblos de La Cotina, Peñerúes y La Piñera pa los IES Dr.Fleming y Cerdeño d'Uviéu, chocó con una furgoneta nuna curva zarrada y esbariosa por causa del agua, cayendo darréu a la cuneta y esbariando per ún terremplén. El neñu fallecíu morrió nel Hospital Central d'Uviéu, au se treslladaron parte de les demás víctimes del accidente, mientres qu'otru garapiellu d'accidentaos tan nel Hospital Álvarez Buylla de Mieres.