Moriyón gana les eleiciones en Xixón

Carmen Moriyón, alcaldesa de Xixón, ganó les municipales. Foro, col 100 por cien escrutáu, suma 8 conceyales, 1 menos que nel 2011, pero'l PSOE pierde 3 pa pasar a tener 7. Xixón Sí Puede, tercer fuercia política con 6 ediles.

El PP algama un mal resultáu, pasando de 5 a 3 conceyales, mentes qu'IX pierde 1 pa consiguir 2. Entra na Casa Conceyu Ciudadanos, con un únicu edil.

Nel 2011, el PSOE foi la fuercia más votada, pero Moriyón resultó alcaldesa gracies al apoyu del PP. Al igual qu'asocede en la inmensa mayoría de los conceyos asturianos, habrá qu'esperar a los movimientos posibles de los partíos pa conocer el gobiernu municipal próximu.