Miles de persones participaron na manifestación pola oficialidá con motivu del Día de les Lletres

Miles de persones, dos mil acordies cola estimación de la policía local d'Uviéu, participaron ayeri na tradicional manifestación que la Xunta pola Defensa de la Llingua Asturiana convoca tolos años con motivu del Día de les Lletres pa esixir la oficialidá de la llingua asturiana.

La proximidá de less elecciones del 27 de mayu y l'aniciu, tres d'elles, del procesu de reforma del Estatutu d'Autonomía, marcó la convocatoria.

La proximidá de less elecciones del 27 de mayu y l'aniciu, tres d'elles, del procesu de reforma del Estatutu d'Autonomía, marcó la convocatoria, que, de cualquier manera nunn tuvo falta de sentíu del humor, con munchu protagonismu pa la Pita de la Xunta, personaxe que s'encarga de recordá-y al Presidente asturianu y demás responsables del Gobiernu les sos obligaciones pa col asturianu. Ente les organizaciones presentes na marcha hebo pancartes de les formaciones polítiques Izquierda Xunida-Bloque por Asturies - Los Verdes, de la coalición "Unidá" y d'Andecha Astur, mientres que l'arcu sindical contó cola participación de SUATEA, CCOO y FETE-UXT, amás d'otres pancartes de colectivos como Artistes pol Asturianu, Siero Pola Oficialidá o Xeira.

El manifiestu de la Xunta, lleidu a la puerta del Teatru Campoamor por Nacho González sorrayó la "falta de compromisu" de los políticos asturianos pa cola llingua de la so tierra y l'ausencia nos programes electorales de los partíos políticos del reconocimientu de la oficialidá. La Xunta fexo un análisis a lo que podría ser la situación dempués de les elecciones, planteandose la hipotesis de qu'haya un partiu mayoritariu, bien d'izquierda o conservador, que podría precisar d'un minoritariu pa exercer el gobiernu, una situación de la que, con una bona negociación, podria salir la oficialida. La Xunta valoró los avances nel reconocimientu del asturianu, d'una d'eses formaciones mayoritaries, el PP, pero aclarió que yeren insuficientes.

Ver galería de semeyes del Día de les Lletres 2007