Mieres festeya los Mártires

Insierto, en Mieres, celebra dende güei la fiesta de Los Mártires. Declarada d'interés turísticu nacional, la romería va tener el so día grande'l xueves 27 cola tradicional xira dende Cuna a Insierto, au s'alcuentra la ilesia dedicada a los santos Cosme y Damián. La banda de gaites Villa de Mieres y el grupu folclóricu Ruxidera van prender una xornada de fiesta qu'incluye a la 1 de la tarde'l concursu de pareyes de baille. La xinta nel prau va dar pasu dende les 17:30 hores, al XII Festival de Tonada coles actuaciones ente otros de Tamara López González o José García "El Che de Cabaños". Tres d'ello, a les18:45 entama'l folk colos grupos La Col.lá Propinde y Corquiéu.