Mieres entama una serie de conciertos en sofitu a Cuna y Cenera

El valle de Cuna y Cenera en Conceyu de Mieres, postula anguaño al premiu al Pueblu Exemplar d'Asturies qu'organiza tolos años la Fundación Príncipe d'Asturies, una candidatura que'l conceyu quier potenciar llevando esti branu a esti llugar la meyor música del país.

Les conceyalíes de Cultura y Mediu Ambiente de Mieres, que presiden Beatriz González Prieto y Marcos Cienfuegos son les responsables d'esti programa de conciertos que quier mover a lo más mozo de la escena del folk asturianu, entamando'l 2 de xunetu cola actuación de La Bandina en Paxío. Una selmana dempués sábadu 9- ye'l turnu de Celia González, que toca a la mesma hora n'Insierto, mientres que'l llunes 11 van tocar Tuenda en Cenera. La cantante de tonada Anabel Santiago actua en Vil.lar de Gal.legos el sábadu 16, pueblu pueblu que repite actuación a la vuelta d'ocho díes (23 de xunetu) esta vegada cola Bandina`l Tombu. El ciclu, que va tener toles sos actuaciones a les 19:30 h, remata cola actuación d'Héctor Braga en Valdecuna.