Mieres entama la so folixa con Corquiéu y Flook

Güei vienres día 7 echa andar la XI edición de la Folixa
na Primavera de Mieres, ente les munches actividaes de güei rescamplen los
conciertos nocturnos con Corquiéu y Flook.



Actividaes que van enllenar el fin de selmana na cuenca'l Caudal van pasar pela
gastronomía, los xuegos populares, la sidra, pero sobre too la
música del Arcu Atlánticu presentada de maneres bien diferentes.
L'entamu oficial a esta Folixa va dalo a les 20:00 hores nel parque Xovellanos
la mierense Pili Fidalgo Pravia persona conocida pol so compromisu personal pa
cola revindicación llingüística n'Asturies. Más sero,
sobre les 23:00, entamen los conciertos estrella de la Folixa d'anguaño
colos asturianos Corquiéu, que
yá tienen tocao nesto festival, y qu'esta vegada lleguen colos temes del
so últimu discu
Salia.
Darréu de l'actuación de los de Ribeseya va sonar el primero nome
estranxeru nos conciertos con Flook. El grupu inglés yá xubieron
a los escenarios asturianos por poner un casu en Llugones pa San Xuan va dos
años o nel Festival Folk de Trebolgu n'Uviéu onde muncha xente
ablucó cola calidá de les dos xiblates del grupu Brian Finnegan y
Sarah Allen y la fuercia del bodhran de John Joe Kelly.
Flook van facer, ente otros, temes del so
nuevu discu "Haven" pol que consiguieron en 2006 el premiu de la BBC
al meyor grupu de folk y nel que s'inxerta un tema dedicáu a Asturies
entituláu Asturian Way.



Folixa va siguir cola so montonera d'actividaes al día siguiente
sábadu 8, y pa nun perder nada convidamos a los nuestros llectores a
consultar el programa completu
(PDF) de la Folixa calcando equí.