Mercáu y artesanía de nueite

El Conceyu de Pola Somiedu va amestar esti fin de selmana música y mercáu d'artesanía, pero cola particularidá de que too ello va ser cayendo la nueche.

P'aprovechar les nueches caldies de branu'l sábadu y el domingu puede visitáse'l conceyu de Somiedu. Ellí va haber el VIII Mercáu de Nueite onde más de cuarenta espositores y dellos grupos de música tienen l'oxetivu de qu'entretener a los somedanos y los que quieran dir visitar el conceyu. El mercáu va tar el domingu y el sábadu de siete la tarde a onde la nueche más o menos. Pa poner ambiente musical a la Pola Somiedu va haber actuaciones musicales los dos díes. El sábadu a les 20:00 hores van tocar "La Bandina", y dempués d'un descansu pa cenar a les 23:30 va tocar el cantautor Rafael Lorenzo.

El domingu'l plan va ser mui paricio, otra vuelta va haber mercáu pela tarde-nueche con actuaciones musicales. A les ocho la tarde esta vegada va ser la "Banda de gaites Llariegu", y a les 23:00 hores va ser el turnu de "Llangres" y "Los Ciquitrinos". El Conceyu de la Pola ye quien organiza esti mercáu y quier invitar a tol mundu a descubrir el conceyu d'esta forma tan especial.