Maxi Areñes y Tante Blanco actúen na Biblioteca de Villamayor

|
Maxi Areñes y Tante Blanco

Na presentación del llibru 'Cuentinos dende la radio', obra del propiu Maxi Areñes.

La Biblioteca de Villamayor va acoyer mañana un actu cultural organizáu pola Parroquia Rural. Maxi Areñes va tar presente p'aldericar colos asistentes sobre'l so últimu trabayu, una escoyeta de los cuentos que diariamente, dende l'entamu de la pandemia, escribe y llee nel programa ‘Más de uno’ d’Enrique Carballeira n’Onda Cero Oriente. Na cita va tar acompañáu pol tamién músicu Tante Blanco, col que va interpretar unos cantares del repertoriu propiu del dúu Tante Blanco & Maxi Areñes, y dalgún de los propios de caún.

Les persones que quieran asistir a la presentación de 'Cuentinos dende la radio' han acutar plaza al traviés del númberu de teléfonu 686.618.805. L'empiezu ta previstu pa les 19 hores y Maxi Areñes va firmar exemplares a tol que lo desee.

Na imaxe, Maxi Areñes y Blanco. Semeya obra de Maitetxu Isla.

Contador Estadistiques