Más de 500 escolinos participaron nun concursu promovíu pola Oficina de la Llingua de Xixón

Esti martes tuvo llugar la entrega de premios del concursu "Ruempi la Mollera" organizáu pola Oficina Municipal de la Llingua, y nel que participaron 17 Centros d'Educación Primaria del Conceyu de Xixón.

El concursu fízose col envís de que los escolinos y les escolines conocieren y afondaren na historia y personaxes del conceyu al tiempu que practiquen la llingua asturiana. Asina fueron formulándose dende xineru a mayu 8 entrugues distintes que los neños teníen 15 díes p'aldovinar. Llugares y personaxes de Xixón como la vieya fábrica de tabacos, el tranvía, la Lloca'l Rinconín, Magnus Blikstad o les viviendes de les mil quinientes apaecíen nes rempuestes que foron apurriendo los más de 500 escolinos participantes tres el procesu investigador. La puntuación del xuráu valoró lo correcto de la rempuesta y la presentación y documentación aportao xunto con ella . La Escuela Pública "Jacinto Benavente" foi la ganadora nel concursu, cola Escuela "San Llorienzo en segundu puestu y la escuela pública Laviada tercera.