MAS Corvera celebra güei l’actu central de campaña

El Centru El Llar de Les Vegues va acoyer esti llunes, a les 18.30 hores, l’actu central de la campaña de la formación asturianista MAS Corvera. Nél va participar l’escritor Alberto García, presente na llista del partíu a l’alcaldía del conceyu, amás del candidatu, Luis Emilio Cuesta Fernández.
 
L’actu va principiar con música tradicional a la gaita y la intervención de García, premiu Llorienzu Novo Mier del 2009 –galardón otorgáu pola Academia de la Llingua Asturiana (ALLA)– pol poemariu entituláu 'Cuando'l mundu debala', pa depués dar pasu al númberu ún de la llista de MAS Corvera a l’alcaldía, autónomu d’oficiu y vecín de Les Vegues, Cuesta Fernández. Tres les charres, los presentes van poder disfrutar d’una espicha popular.
 
Dende la formación asturianista, señalen que les propuestes prioritaries de MAS Corvera son “la participación de tolos vecinos na política del conceyu; la llucha contra'l paru nel conceyu, qu'afecta a 1.510 persones según los datos oficiales últimos; y que los mozos sían el verdaderu motor del conceyu”.