Mari Luz Pontón presenta dos nuevos llibros infantiles

La escritora especializada en lliteratura infantil Mari Luz Pontón presenta a les 7 d'esta tarde nel Club Prensa asturiana (Cai Calvo Sotelo 7 - Uviéu) dos nuevos llibros pa la reciella. Trátase de los volumes "El fechizu protector" y "Quien ye la xana" dambos editaos pola casa KRK y que s'asoleyen n'edición doble en castellanu y asturianu. Amás de l'autora van tar presentes nel actu'l periodista Xuan Cándano y Javier Villanueva, contándose amás coles actuaciones de los escolinos de la escuela "Baudilio Arce" y l'aula coral "San Pedro los Arcos".