Manzano abre les charres de les xornaes 'De Castilletes y Carbón'

Esti xueves va celebrase la primer de les cuatro ponencies correspondientes a les xornaes 'De Castilletes y Carbón'. Pablo Xuan Manzano va falar sobre'l trabayu de l'ALLA dende'l 1980.

El nome concretu de la charra ye 'Academia de la Llingua Asturiana, 34 años de trabayu', con aniciu previstu a les 20 hores na Casa los Alberti (Ciañu). Va ser la primer de les cuatro previstes en 'Los xueves de Castilletes y Carbón', dientro de les V Xornaes Culturales 'De Castilletes y Carbón' qu'entama la Fundación Nuberu y el Conceyu de Llangréu, que se completen cola esposición 'La Mina y la mar' y col conciertu de Nuberu pa Santa Bárbola (4 d'avientu), con sede esti añu en Rusecu. Enantes, nel mes d'ochobre, celebróse'l ciclu de cine 'Baxando pa la galería'.

El restu de xueves, siempre a la mesma hora, el públicu que s'avere a Ciañu va poder disfrutar de les ponencies sobre'l procesu creativu na producción cinematográfica, colos cineastes Marcos Martínez ('ReMine') y Pablo Casanueva (Bernabé);  y 'Política cultural n'Asturies' (ésta charra pasa al miércoles 19), a cargu d'Ana González, conseyera d'Educación, Cultura y Deporte. Pa finar, el 27, va tener llugar un 'Recital poéticu d'escritores asturianos' coordináu por Chechu García.