Manuel Busto, doble campeón del mundu de piragüismu

El piragüista asturianu Manolo Busto convirtióse ayeri nos campeonatos del mundu de la especialidá que se celebraron en Bergen (Noruega) nel primer palista de la historia en facer el doblete na especialidá de marathon, ganando nel mesmu mundial en K-1 y en K-2, categoría na que corrió col vascu Oier Aizpurua.

El tetracacampeón mundial de K-1, que ta acabante de facer 29 años, estrenaba pareya col vascu en k-2, y, anque había duldes sobre'l rendimientu que pudiere dar l'euskaldún xunta'l palista del "Oviedo Kayak" ello foi que Busto y Aizpurua dominaron nuna preba de 37 kilómetros qu'incluyía dificultaes adicionales como'l cargar cola piragua al llombu y na que protagonizaron un final espectacular contra la canoa de los húngaros Atila Jambo y Iván Salga, a la que ganaron por un marxe de cinco segundos.