Mal partíu del Sporting en Ferrol

El puntu col que volvieron los de Marcelino pa Xixón hai que dalu por bonu en viendo'l pocu fútbol que se desarrolló nel estadiu ferrolanu. L'empate a cero nun se movió del marcador del estadiu gallegu dempués d'una tarde de fútbol aburrida por demás na qu'un Sporting estráu de baxes nun pudo facer nada contra'l Ferrol, un rival teóricamente inferior que llegó más vegaes a puerta que l'equipu asturianu, anque tampoco ensin facer abondo como pa merecer el trunfu.

El Ferrol salió más fuerte que'l Sporting, qu'acusó nel centru del campu'l mal día qu'arrastraba xente como Javi Fuego o Neru, que tuvo dellos fallos. Enfrente, el ex-sportinguista Cobas convirtióse nun de los azotes d'un Ferrol qu'aprovechó lo pequeño del campu pa unviar balonazos al area asturiana, obligando a Roberto a esforzase más de lo normal . el porteru gallegu firmó una actuación sobresaliente, y, anque Flavio llegó a batilu, la xugada taba invalidada por orsay. D'otra manera, l'arbitrio perdonó-y un penalty al Sporting señalando falta a centímetros de la frontal del área asturiana nun derribu de Neru a Flavio. A lo último, el Sporting, coles incorporaciones de Dorado y Samuel, xugó algo meyor, pero ensin amenazar con mover el marcador