L'Uviéu ACF ingresa perres por derechos de TV

Col trunfu d'esti domingu por 5-1 contra'l Ciares, viose en namás dos partíos que l'Uviéu ACF ye l'amu de la tercera división y que los sos xugadores tan un puestu penriba de los de los demás equipos. El patrociniu del Ayuntamientu d'Uviéu, que punxo 90.000 euros, fai del Astur l'equipu más fuerte de la categoría y con muncho, pero ello ye que les perres de la nenina de los güeyos de Gabino de Lorenzo nun vienen namás del sofitu institucional, nin tampoco de la fundación venceyada al club y na que puen facer aportaciones les empreses que quieran apostar pol proyectu.

El casu ye que l'Uviéu ACF, anqu'entovía nun tien una equipación y una imaxe definitivos, yá vendió la esclusiva de les imáxenes de los partíos que xuegue en san Lázaro a la canal Teleasturias por 19 millones de les vieyes pesetes, lo que ye un casu únicu na historia de la tercer división, onde nengún equipu tien nin tuvo nunca ingresos por derechos de TV.