Luis Núñez y Los Folganzanes ganen el X Premiu al Meyor Cantar con 'La ñeve y la esmeralda'

|
Luis Núñez y Los Folgazanes con 'La ñeve y la esmeralda' ganadores, del X Premiu al Meyor Cantar

El Teatru Palacio Valdés foi l'escenariu esti vienres 29 setiembre de la Gala de X Premiu al Meyor Cantar, onde s'escoyó como ganador de la edición d'esti añu a Luis Núñez y Los Folganzanes col cantar 'La ñeve y la esmeralda'.

La banda de Luis Núñez y Los Folganzanes llega a la final del Premiu al Meyor Cantar con un tema del so segundu discu, Xuro nun tornar, depués de 'El cantar del folganzán', álbum publicáu nel 2013. La formación, que se mueve nos parámetros del folk-rock, ta liderada por Luis Núñez y cunta colos músicos Arturo Ávila (percusión), Marcos Díaz (baxu), Diego Infiesta (guitarra), Armando Fernández (teclaos) y Rubén Alba (gaita y whistle).

Los otros finalistes d'esta edición yeren Hoboken Band (‘Sonrises nel cielu’, con lletra y música de César González Herrería), Odón del Paganéu (‘Soi ya vengu de Tinéu / La inconformidá’) y Bras Rodrigo (‘Naquel malecón’).

El 'Premiu al Meyor Cantar' nació nel añu 2007 como reconocimientu del Gobiernu del Principáu d’Asturies a la creación musical en llingua asturiana o gallego-asturiano. El prestixu y sonadía d’esti gallardon medra con cada edición, de manera que ye yá un referente ente los creadores musicales asturianos. Nestos años pasaron per él dellos de los meyores grupos ya intérpretes de la escena del país, con munches y diferentes propuestes que muestren la vitalidá y dinamismu de la música fecha en llingua asturiana y gallego-asturiano.

Equí puedes ver el videu de la canción ganadora d'esti añu 'La ñeve y la esmeralda' de Luis Núñez y los Folganzanes.

Contador Estadistiques