Los Verdes presenten a los sos candidatos electorales

El pasáu sábadu 14 d'abril, Los Verdes d'Asturies ficieron un actu públicu de presentación de los sos candidatos a las elecciones autonómiques y de conceyos del 27 de mayu, nes que por primer vegada esta formación va asistir en coalición con Izquierda Xunida. Frutu del alcuerdu cola formación d'izquierdes, Los Verdes van inxertar 6 persones na llista a la xunta Xeneral y dellos candidatos nun total de 20 conceyos, a la espera de pesllar les últimes incorporaciones a llistes nesta selmana nos conceyos de Villaviciosa o Somiedu, ente otros.

Na llista autonómica, Joaquín Arce va ser el primer representante de Los Verdes, ocupando'l puestu 8 pola circunscripción central, mientres que la organización va llevar los númberos 2 nes llistes de les ales. Nes llistes a conceyos, Los Verdes van tener el númberu 3 por Siero, representaos por Mireia Alonso. El mesmu númberu 3 van tener en Llanera y na lilsta d'IU-BA-LV por Uviéu, mientres que en Mieres van dir na cuarta plaza, que-y otorga a Olga Álvarez teóricu puestu de salida, dalgo que nun-yos garantizaría d'igual manera la cuarta plaza que van ocupar na llista por Xixón. En Carreño, Castrillón y Llangréu el partíu ecoloxista va llevar a los sos representantes más destacaos nel puestu 8, mientres que en Llanes y Salas los representantes de Los Verdes van ocupar la segunda plaza na llista. En Cuideiru, onde Ánxel Fernández va ser el candidatu a alcalde, Cabrales y Allande, la coalición va poner tolos sos enfotos nel representante de Los Verdes.