Los llectores d'Asturies.com refuguen midíes de control pa los llobos

|

Un 76 por cientu de los usuarios d'Asturies.com valora al llobu como un elementu del nuesu patrimoniu natural y refuga la toma de midíes pal so control. Considera que la meyor alternativa ye la compensación por parte de l'Alministración de los daños que cause.

La entruga que plantegamos nel nuesu 'Conceyu Abiertu' foi '¿Ha de controlase y reducise la presencia del llobu nos nuesos montes?', siendo la respuesta mayoritaria 'Non, el llobu ye un elementu del nuesu patrimoniu natural y val con compensar los daños'. Un total del 76 por cientu de los llectores que participaron escoyeron esta opción.

Mentes, un 24 por cientu son de la opinión de que 'Sí, han de tomase midíes de control más drástiques' énte los ataques d'estos animales al ganáu, qu'afeuta a los profesionales del seutor. Esti alderique ta siendo d'actualidá dende los años últimos poles protestes de los ganaderos, qu'acusen a l'Alminstración de xestionar mal el problema, amás d'afirmar que les indemnizaciones se paguen con retrasu y mal.

Dende esti mesmu momentu yá ye posible participar nun 'Conceyu Abiertu' nuevu. Nesta ocasión queremos conocer qué opinión tienen los nuesos usuarios sobre'l proyeutu de Ciudá Astur que tien la FSA-PSOE pal área central del país y que se presentó la selmana pasada.

Comentarios

Control de llobos ñon, que si mi semeyen a un perrín. Control de palombes na ciudá, sí, que mi caguen la ventana. Sieglu XXI: la dómina'l posturéu.

Contador Estadistiques