Los llectores d’Asturies.com ven necesario camudar el formatu de la Selmana de les Lletres

|

Na so primer intervención nel Parllamentu, la conseyera Ana González apuntó la necesidá de camudar el formatu actual de la Selmana de les Lletres “por quedar superáu”. Los usuarios d’Asturies.com tamién opinen qu’hai que renovalu.
 
Un 69 por cientu de les persones que participaron nel nuesu ‘Conceyu Abiertu’ afirmaron que considera necesario modificar el formatu de la Selmana de les Lletres pa da-y un mayor puxu, mentes que namái un 7 por cientu apuesta por siguir col actual. Llama l’atención el 24 por cientu d’usuarios que diz da-y igual esti posible cambiu, una amuesa de que quiciabes l’enfoque actual de la Selmana de les Lletres nun ye’l más afayadizu pa llegar a la sociedá asturiano.
 
Dende esti mesmu momentu, los nuesos llectores pueden votar nun ‘Conceyu Abiertu’ nuevu. Nesta ocasión queremos saber, tres el compromisu fechu’l llunes por González, conseyera d’Educación, Cultura y Deporte, na inauguración de la Universidá Asturiana de Branu (UABRA), de crear la especialidá d’asturianu nesta llexislatura, si consideren qu’esta reclamación histórica del asturianismu va ser una realidá o si va quedar pa prau.

Contador Estadistiques