Los Guilandeiros de Tinéu salen per Santolaya

La mazcarada pide l'aguilandu'l sábadu.

Dos años depués los Guilandeiros de Tinéu tornen a salir. Nesta ocasión, dada la situación pola pandemia, va visitar namái un pueblu, Santolaya.

Andrea y Rodrigo Joglar van acompañar cola gaita y tambor a pidir l'aguilando dende'l meudía a esta mazcarada d'iviernu recuperada nel 2012. Tamién va tar presente'l realizador Javier Lueje y el so equipu pa grabar un videu promocional dende les 11 hores nel Campu de San Roque.